Consegue en tempo real avisos de novos artigos no teu dispositivo, subscribete agora.
Esta fin de semana non haberá futbol en As Pontes, xa que ningún dos moitos campos do Poboado estarán dispoñibles, e os diversos partidos do clube local xogaranse en Maniños e na Capela.
No caso do xuvenil no mellor dos casos botará un mes e medio sen xogar na casa, antes de recibir ó líder Eume.
O As Pontes, pola súa banda, visita este domingo ó Boimorto (17:00). Trala importante vitoria ante o Arteixo, son terceiros con 49 puntos, empatados co Ribadeo, pero a nove de Paiosaco e dez do Polvorín.
Deben tentar buscar os tres puntos no Carballal para estar ó acecho, sobre todo do equipo de Laracha, dado que o filial do Lugo está nun gran estado, con todas as papeletas do ascenso, e o segundo clasificado ten pe e medio.
O cadro coruñés, recén ascendido, está na decimoterceira praza con 33 puntos, e na ida no Poboado sacou un empate, tralo único gol na campaña do ex xogador pontés Samu (93´), respondido antes do pitido final por Iglesias (96´), nun mal partido dos locais.
Nieto leva 9 goles, Andrés 7, e Figurín 5. Polo cadro pontés será baixa Bossa, que cumpre ciclo de 5 cartóns, igual que polos locais Nacho.
PREFERENTE
BOIMORTO CF-CD AS PONTES (DOMINGO 11, 17:00)
FEMININO
CD AS PONTES-SCD A CAPELA (MANIÑOS. DOMINGO 11, 12:00)
XUVENIL
CD AS PONTES-RACING SAN PEDRO A (MANIÑOS. SÁBADO 10, 12:00)
CADETE
SDC GALICIA DE MUGARDOS-CD AS PONTES (VENRES 9, 18:15)
INFANTIL
CD AS PONTES-AD MIÑO (A CAPELA. SÁBADO 10, 11:00)
ALEVÍN
SDC GALICIA DE MUGARDOS B-CD AS PONTES A (SÁBADO 10, 11:00)
CD AS PONTES B-RACING SAN PEDRO C (A CAPELA. VENRES 9, 17:30)
BENXAMÍN
SD O VAL-CD AS PONTES A (VENRES 9, 18:30)
CD AS PONTES B-EFR FERROL C (A CAPELA. SÁBADO 10, 12:45)
PREBENXAMÍN
CEDEIRA SD-CD AS PONTES A (VENRES 9, 18:00)
CD AS PONTES B-SD O VAL (A CAPELA. VENRES 9, 18:30)
Nova cortesía de Xose Ferreiro