SEGUNDA GALICIA VETERANOS. CD AS PONTES 6 – ATLÉTICO SAN PEDRO 0
Partido este sábado á noite no Evaristo Puentes
Gran triunfo do equipo pontés de Veteranos por 6-0, nun encontro que xa deixou resolto 3-0 ao descanso ante o conxunto de Oleiros.
Un tempraneiro gol de Púas, que tivo que retirarse por un corte na cella nun golpe co porteiro visitante, e os posteriores, de Couso, Alberto, e de Javi, Borja e Iván no último cuarto de hora, deron tres puntos a un conxunto de Felipe Mieres en racha.
I é que os azuis gañaron a semana pasada ante o seu gran rival da tempada pasada, Sigras, 2-3, e co triunfo de hoxe suman pleno de 12 puntos nos derradeiros catro encontros.
Son quintos con 19 puntos con próxima visita ao Pastoriza, terceiro con 21.
Nova cortesía de Xose Ferreiro