Consegue en tempo real avisos de novos artigos no teu dispositivo, subscribete agora.
Clara victoria do conxunto coruñés do Montañeros na ida dos dezaseisavos de final do Campionato Galego Alevín, no partido disputado hoxe á mañá no Campo do Poboado.
Grande o equipo herculino, moi ben en todas as súas liñas, con moi boas combinacións e pases, coas ideas moi claras, e sen fisuras, xa na primeira parte foronse con 0-4 no marcador, que ampliaron a cinco no segundo tempo anque puido caer algún máis, que entre Lino e a defensa desbarataron.
Por parte pontesa, no encontro de hoxe ante un rival moi bo, os cativos saíron con algo de respeto, pero intentando plantar cara, tendo en Josiño e nun testarazo de Martín as súas mellores ocasións.
O gran logro xa estaba conseguido, solo dous equipos da comarca conseguiron clasificarse entre os 32 mellores de Galicia, o gran Portuarios que esta semana conseguiu meter a dous dos seus futbolistas entre os doce que representarán a Galicia no Campionato de España Alevín (Kevin e Joel), e o As Pontes.
Ós discípulos de Rebolo quedalles o encontro de volta e afrontar a Copa de Ferrol nun grupo no que quedaron encadrados con EFR Racing Ferrol, Rápido de Neda, Narón Balonpé e Miño.
Xogaron Lino, Pedro, Martín, Alex, Esteban, Jandro, Adrián, Andrés, Josiño, Jorge, Antón e Bruno.
Nova cortesía de Xosé Ferreiro e A.F.