Non houbo sorpresas na derradeira xornada da fase previa da competición de copa de fútbol de veteranos, que rexistrou estes resultados:
C. Bahía – Santaballés (0-3)
La Galaxia – Farmavida (1-2)
M. Eume Xuntanza (3-0)
Los Bidones As Pontes 74 (1-3)
C. Guerreiro – MMYPEN (7-0)
Descansou: A Cepa
No grupo A quedou primeiro Mobles Eume, con 15 puntos, sendo segundo Construcións Guerreiro, con 12. No grupo B clasificouse en primeira posición, por maior diferenza de goles, As Pontes 74, seguido de Farmavida, os dous con dez puntos.
O vindeiro sábado, 28 de maio, rematará a competición, disputándose pola mañá as semifinais entre Mobles Eume-Farmavida (11,00) e As Pontes 74-C. Guerreiro (12,00). A final entre os gañadores das semifinais será ás seis do serán (18,00). A entrega de trofeos será na cea (23,00) que celebrarán tódolos equipos nun restaurante da localidade.
Nova cortesía de A.F.