Contundente derrota do equipo de Terceira División no Mundo do Fútbol ante o Deportivo B, por 3-0. Este resultado obrigará ós de Manolo García a buscar a vitoria ante o compricado Rápido de Bouzas que visitará As Pontes a semana que vén.
O equipo feminino perdeu 2-1 na súa visita ó Pastoriza, a pesar de adiantarse cun gran gol de falta de Patri Dopico. Xogaron polas de Salido Leti, Mireia, Silvia, Andrea, Lau, Sara, Patri Dopico, Nato (Alba 53´), Noelia, Lía (Nuria 68´), Carmela (María 53´). A semana que vén recibirán ó Orzan SD B (Máis información en http://aspontesenfeminino.wordpress.com/).
O As Pontes cadete non pasou do empate a 2-2 ante o Mugardos na xornada inaugural da primeira fase da copa. Adiantáronse os visitantes no minuto 25, aínda que os locais tiveron claras ocasións para haber marcado algún gol. Dez minutos despois empataba Brais Martinez e a poucos de chegar o descanso Iago adiantaba ós ponteses a centro de Álex. No minuto dezasete da segunda parte chegaba ó que o final sería o empate definitivo noutro despiste da defensa pontesa. O As Pontes xogou con Ángel, Alberto (Jonathan), Jorge, Brais Martinez (David Rey), Caínzos, Iván, Raquel (Óscar), Brais Blanco, Iago (Romero), Nahúm (Jose) e Álex Fernández, que foi un dos mellores do seu equipo xunto a Jorge e Iván. A vindeira semana visitan Miño, equipo que perdeu 9-2 con Amistade de Meirás.
Sensacional comezo do infantil que gañou no seu estreo copeiro 13-0 ó Portuarios B. O As Pontes é líder, seguido do Eume que gañou 0-12 ó San Sadurniño. A próxima xornada xogarán contra o Meirás s domicilio.
Tamén esta fin de semana foi o estreo en Liga de Alevíns e Benxamíns.
Nos Alevíns, o As Pontes A empatou 1-1 ante o complicado Portuarios, mentres que un vendaval chamado Galicia de Caranza B chegou ó Poboado e venceu 0-14 ó As Pontes B. Descansan a semana que ven namentres que o As Pontes A visita Miño.
En Benxamíns, dobre triunfo, o As Pontes A gañou 3-4 ó Cedeira B, goles de Alex Riobóo (3) e Joan, a semana seguinte descansan, mentres que o As Pontes B venceu 10-1 ó Portuarios, sitúanse terceiros por detrás de Perlío e Narón BP e a vindeira semana visitan Cedeira.
Nova cortesía de Xose Ferreiro e A.F.