Consegue en tempo real avisos de novos artigos no teu dispositivo, subscribete agora.
O Lago Sport, gracias ao seu convenio co Valdetires FSF, ven de firmar a unha xogadora histórica como adestradora para os seus equipos de base femininos, Dany Domingos.
Cabe recordar que xunto aos históricos Burela, Castro e Poio, o Lago Sport é un dos catro equipos en Galicia que dispón de equipos femininos en tódalas categorías, en concreto, sénior, xuvenil, cadete, infantil, alevín e benxamín.
A hispano brasileña Dany Domingos (13-07-1984), que a vindeira campaña xogará no Valdetires de Ferrol, é unha histórica do Fútbol Sala, e en España leva 17 temporadas, dezaoito coa vindeira.
Coa Selección Española foi medalla de bronce no recente Mundial Filipinas 2025, e gañou dous Europeos, o de Portugal 2022, ao equipo anfitrión, 3-3 (4-1), e o de Hungría 2023, 5-1 a Ucraina.
A nivel de clubes xogou once tempadas no mítico Burela, logrando 7 Ligas, 6 Copas de España, 4 Supercopas, 1 Copa de Europa e 1 Recopa.
Tamén, durante a súa estadía no Cajasur Córdoba chegou a ser pichichi da Primeira División Española, na campaña 2010-11, na que anotou 41 goles, os mesmos que a gran Amparo Jiménez.
Nova cortesía Diego Paz Romero