IVÁN PENA, SEGUNDO NA COPA DO MUNDO DE KAYAK SURF EN SOPELA

O deportista do Club Náutico Folixa, Iván Pena, acadou este pasado fin de semana o segundo posto na categoría Master HP na Sopela Kosta Fest – World Cup, celebrada na praia de La Salvaje, en Sopela. A proba estivo organizada pola World Surf Kayak Association (WSKA) e a Federación Vasca de Piragüismo (FVP).

A competición desenvolveuse con condicións de mar moi esixentes, especialmente o sábado, mentres que o domingo ofreceu unhas condicións excelentes para disputar as finais. Na final Master HP impúxose o inglés James Hawker (12,14), seguido de Iván Pena (10,07), Andy Vowell (6,10) e o portugués Ricardo Ribeiro (5,57).

Iván recibiu ademais o premio Best Wipeout, concedido á caída máis espectacular do campionato, tras protagonizar un dos impactos máis espectaculares nas duras condicións de mar da proba.

Este resultado prolonga a presenza internacional do Club Náutico Folixa, que este ano xa participou en competicións internacionais de Waveski e barco dragón, e agora suma este novo resultado en kayak surf.

Os seguintes obxectivos do Folixa serán o IV Festival Anochecer de Barco Dragón, o 3 de outubro en Trasona (Asturias), e posteriormente o Campionato do Mundo de Paddle Surf da ICF en Italia, onde Iván Pena competirá en Sprint Máster.

Nova cortesía do Club Nautico Folixa