Esforzo, superación e espírito de equipo en A Coruña!

O pasado 18 de outubro, o noso equipo de barco dragón do *Grupo Xuvenil de piragüismo* desprazouse ata A Coruña para afrontar unha xornada de competición moi esixiente da Copa Galega de barco dragón.

A pesar das duras inclemencias meteorolóxicas, marcadas polo forte vento e as complicadas olas de mar de fondo, o noso equipo loitou de principio a fin. Xurdiron algúns percances, pero foi precisamente neses momentos cando se fixo máis evidente a marabillosa unión e a forza inquebrantable que caracteriza a este grupo.

Cómpre destacar tamén que para varios dos nosos pedaxeiros esta era a súa primeira regata, polo que hai que recoñecer a súa enorme valentía e entrega tendo en conta a gran dureza e as complexas condicións da proba.

O balance da xornada:

*  Equipo feminino sénior: Brillante medalla de ouro tras unha actuación maxistral.
*  Equipo feminino veterano: Un meritorio 4º posto nunha regata moi axustada, quedando a escasísimos segundos do segundo e terceiro chanzo do podio.
* **Equipos mixto e open: Malia poñer todo o esforzo e unhas ganas enormes na auga, lamentablemente foron descalificados por saídas de pista provocadas polas complexas condicións do tempo.

Ademais, volvemos a destacar con orgullo que o Grupo Xuvenil segue a ser un dos poucos clubs de España que conta con mulleres timoneis, demostrando o noso compromiso co lideraxe e a presenza feminina na auga.

Quedámonos coa valentía, coa aprendizaxe e co orgullo de ver como este grupo rema sempre a unha, tanto nos triunfos como nos obstáculos. Isto non para e xa estamos pensando no seguinte reto!

Nova cortesía do Grupo Xuvenil