O Esteo continúa en horas baixas. Un equipo do que se esperaba moito máis, incluso para quedar entre os tres primeiros, é sétimo cos mesmos 28 puntos que ten Atlético Benavente.
Leva catro xornadas sen gañar, cun empate na casa ante Pizarras Tres Cuñados e tres derrotas seguidas, a primeira en Benavente (6-3), despois na casa ante o colista San José polo mesmo resultado e a anterior xornada foi goleado en Pontevedra polo Leis (5-1), tres puntos que lle permitiron a este equipo saír da zona de descenso.
O Boal é o novo colista con só dous partidos gañados (na casa ante o San José por 5-4 e 3-4 na pista do Xove) e catro empatados. Na primeira volta, na localidade asturiana vitoria do Esteo por 2-6, que tamén venceu por 6-1 no primeiro enfrontamento no pavillón da Fraga na tempada anterior.
SEGUNDA DIVISIÓN B (22ª xornada)
O ESTEO F.S. – F.S. BOAL (Asturias)
Sábado 1 – Abril – 2017 (18:30)
Pavillón Municipal da Fraga (As Pontes)
Nova cortesía de A.F.