O PONTÉS ANTONIO POLO CAMPELLO SUBCAMPIÓN DO MUNDO
Cuarta medalla internacional do pontés no evento que se está disputando en Portugal
Consegue en tempo real avisos de novos artigos no teu dispositivo, subscribete agora.
O piragüista pontés Antonio Polo Campello logrou este martes a medalla de prata nos Campionatos Mundiais de Maratón que se levarán a cabo durante esta semana en Vila de Prado (Portugal).
Na proba do K2, na orla de idade entre os 40 e 44 anos, Polo, xunto ó vivariense Alberto Pigueiras, perderon o ouro fronte ós irmáns arxentinos Mauricio e Rodrigo Caffa por apenas 87 milésimas, facendo ambos kaiaks un tempo de 1 hora, 36 minutos e 27 segundos.
O bronce foi para outra embarcación española, a de Bernardo Sánchez e Ulises Diéguez, que chegou a máis de tres minutos dos dous primeiros nunha proba na que participaron kaiaks españois, portugueses, arxentinos, noruegos, sudafricanos, canadienses, italianos e brasileños.
Ademáis do quinto posto na Copa do Mundo de Dinamarca 2009, Portugal é un lugar idílico para o palista pontés, pois aló foi doble Campión Europeo de Maratón, de K2 en 2013 xunto ó propio Pigueiras, e de K1 en 2017.
Tamén en Portugal fora medalla de prata nunha Copa de Europa en 2006 xunto a Dani Feijoo, que precisamente no Mundial Junior de Finlandia en 1997 tamén perdera a medalla de ouro competindo co K4-500 español por apenas cinco milésimas con respecto á piragua alemana na que estaba un moi xove daquela, Ronald Rauhe.
Nova cortesía de Xose Ferreiro