ÓSCAR RIVAS, NOVO XOGADOR DO CD AS PONTES
Fichaxe de luxo para suplir algunhas baixas no clube
Consegue en tempo real avisos de novos artigos no teu dispositivo, subscribete agora.
O CD As Pontes ven de fichar nas últimas horas a Óscar Rivas, para tratar de cubrir a baixa de Peque, que marchou ó Sada en busca de minutos, a que se aveciña de Criado, por causas laborais, e quizais polo mesmo motivo tamén se perda a un dos mellores xogadores da categoría no seu posto, agardemos que non, polo fútbol que aporta.
Óscar Rivas é un xogador de gran calidade xa que sen ir máis lonxe, para desgracia do As Pontes, ascendeu a pasada campaña a Terceira División co Lugo B, quedando campión de Liga e xogando case todos os partidos. O futbolista de Ourol de 26 anos tamén xogou no Viveiro, Narón, Outeiro de Rei e Lugo Xuvenil.
Proba da valía do centrocampista é que no seu día, non hai moito tempo, despois de facer a pretemporada co primeiro equipo do Lugo rexeitou varias ofertas de equipos de Segunda B por axudar ó Viveiro a intentar ascender.
Nova cortesía Xose Ferreiro. Foto cortesía CD As Pontes