[Diario de Ferrol] Con motivo das festas do Carme que terán lugar nas Pontes esta fin de semana -4, 5 e 6 de xullo-, a cancha do polideportivo municipal acollerá o tradicional maratón de fútbol sala, un dos máis prestixiosos da comarca tendo en conta os premios en metálico -os catro primeiros clasificados recibirán 1.500, 750 e 250 euros respectivamente-. Así mesmo o conxunto local mellor situado será obsequiado con 250 euros e un trofeo. Tamén haberá galardóns para o mellor xogador e o mellor porteiro.
Os equipos inscritos coñecerán hoxe a partir das 20.30 horas o resultado do sorteo para os distintos emparellamentos. O torneo, que está organizado pola Asociación Local de Fútbol Sala das Pontes, en colaboración có Concello e a Concellería de Deportes e a Diputación da Coruña, estará arbitrado por colexiados federados. Para máis información os interesados poderán chamar ao 679 371 472.