CAMPIONATO DE LIGA DE VETERANOS 2011/12: O MOBLES EUME VIRTUAL CAMPIÓN DE LIGA

Logo da derrota de Farmavida diante de Construcións Guerreiro, o Mobles Eume é, salvo unha catástrofe, o novo campión da liga de fútbol-7 de veteranos de As Pontes. Nun partido de moitos goles, o conxunto farmacéutico caeu pola mínima diante de Construcións Guerreiro por 5-4. Pola súa banda, o líder non tivo compaixón de As Pontes-74, equipo que acudiu ó partido cun home menos e o resultado final foi de 7-0. Nos outros encontros, A Cepa gañou a Maren por 2-0 e Xuntanza a MMYPEM por 4-1, mentres que houbo empate a un gol entre Cafetería Bahía e La Galaxia.
A falta de tres xornadas para o final da competición, Mobles Eume, con 45 puntos, ten o título de liga na man. Un triunfo daríalle o campionato de liga. En segunda posición está Farmavida, con 41 puntos e un partido máis. Terceiro é Santaballés con 36 puntos. A continuación están Construcións Guerreiro (29), As Pontes 74 (25) e La Galaxia (24), Cafetería Bahía (23), A Cepa (19), Xuntanza (12), MMYPEM (6) e pecha a clasificación Maren, con cinco puntos.
Comparten o liderato na táboa de goleadores, con 17 tantos, Juancar (C. Guerreiro) e Iván (Santaballés). Segue Michel (C. Guerreiro), con 14 tantos marcados. Con once goles están Fernández (A Cepa) e Susín (Mobles Eume) e con dez tantos marcados, Manel e Pepe, de Mobles Eume.
En canto ós porteiros menos goleados, continúa de primeiro Marcelino (Mobles Eume), seguido de Santi (Santaballés), Luis (Farmavida), Enrique (C. Guerreiro), Peruzzi (C. Bahía), Cillero (La Galaxia) e Miguel (As Pontes 74).

Nova cortesía de A.F.