Consegue en tempo real avisos de novos artigos no teu dispositivo, subscribete agora.
Do encontro do equipo xuvenil e do feminino hai información aparte. En tódolos partidos de Fútbol-8 os xogadores entregaron a pais e nais un manifesto polo xogo limpo.
SEGUNDA REXIONAL: CD San Sadurniño – CD As Pontes (1-3)
Segue na loita polo título o segundo equipo do As Pontes, que nesta xornada venceu (1-3) en San Sadurniño. O Miño gañou 0-2 ó Narahío e sigue líder, pero a sorprendente derrota do Rápido de Neda en Barallobre por 3-1 comprime a clasificación, e así Miño 56 puntos, Neda 52, San Mateo e As Pontes 51, Cariño e Ortigueira 50, Numancia 47. Partidazo o vindeiro domingo no Poboado coa visita do Miño, no que haberá que saír a por todas. Os ponteses xa gañaban 0-2 no minuto 30, con goles de Borja nada máis comezar o encontro (min. 2) e Narciso chegando a media. No minuto sesenta marcarían os locais e no setenta Adrián Vilasuso estableceu o definitivo 1-3.
Xogaron polo As Pontes B: Iván (Juanillo, 87), Ferreiro, Nando, Palas, Carlos, Toti (Álex, 85), Adrián Vilasuso, Fermín (Javi, 58), Moya, Borja (Hugo Corral, 86) e Narciso (Marcos Novo, 55).
Dáse a curiosidade de que ata catro líderes, o da Segunda Autonómica, Cadete, Infantil e Alevín visitarán O Poboado a vindeira semana.
CATEGORÍA CADETE: CD As Pontes-SD Ánimas (5-1)
Vitoria do cadete (5-1) sobre o Ánimas de Ferrol, con goles de Álex Fernández (2), Iván, David Rey e Iago. O Val venceu (0-1) en Meirás o o Caranza 0-3 ó Eume. Precisamente o líder Caranza visitará o Poboado a semana que ven. Nesta tempada 2012-13 entre Liga e Copa levan 26 vitorias, cedendo tan so un empate. Caranza 46, O Val 40, As Pontes 38. O cuarto clasificado, Galicia de Caranza, 21 puntos.
CATEGORÍA INFANTIL: Cultural Maniños – CD As Pontes (1-2)
Sufriu moito o Infantil para vencer ó penúltimo clasificado, Cultural de Maniños, por un a dous (Ayrton e Sergio). O Racing de Ferrol venceu por 6-0 ó Val e o Portuarios 0-1 ó Galicia de Caranza B. Ferrol 45 puntos, As Pontes 43 e Portuarios 38. Media Liga xógase o sábado no Campo de O Poboado. Tamén o Racing de Ferrol neste 2012/13 entre Copa e Liga leva 25 vitorias, un empate co As Pontes en Copa (4-4) e unha derrota na liga pola mínima ante o Portuarios (2-1). Será moi complicado, pero tamén os azuis levan unha tempada de escándalo con 24 vitorias, 3 empates, e unha soa derrota, precisamente por 4-2 ante os verdes.
CATEGORÍA ALEVÍN:
Gª Caranza B – CD As Pontes (4-0)
CD As Pontes B – Gª Caranza E (0-3)
Derrota do Alevín A (4-0) ante o Galicia de Caranza B. Sextos con 17 puntos, reciben o sábado ó Val, líder da categoría (co xogador Manuel Orosa na selección galega), que a pasada semana lograban clasificarse para a Arousa Cup, o Mundialito Alevín que se disputa tódolos anos cos mellores equipos de España e internacionais. O Alevín B perdeu na casa (0-3) co Galicia de Caranza E. Quintos con 22 puntos visitan ó Galicia de Caranza C, sexto con dous puntos menos.
CATEGORÍA BENXAMÍN
CD As Pontes – Gª Caranza D (9-0)
SD Barallobre – CD As Pontes B (2-1)
A única vitoria do fútbol-8, na loita que manteñen pola Liga, o Benxamín A venceu 9-0 ó Galicia de Caranza D (marcaron Joan -4), Jandro -3- Sergio e Adri), mentres o Rápido de Neda gañou por 7-3 ó Meirás. As Pontes 46 puntos, Rápido de Neda 41 e San Pedro 38. Media Liga xóganse o vindeiro sábado na súa visita ó San Pedro, mentres o Rápido visita ó derradeiro clasificado, Galicia de Caranza D. O Benxamín B perdeu 2-1 na súa visita ó Barallobre. Son oitavos con 13 puntos. Reciben na vindeira xornada ó sétimo clasificado, Amistade de Meirás.
CATEGORÍA PREBENXAMÍN
CCRD Perlío – CD As Pontes (5-1)
CD As Pontes B – R. San Pedro (2-6)
O Prebenxamín A perdeu 5-1 (gol de Eloy Pena) diante do Perlío. Oitavos con 9 puntos reciben ó segundo clasificado, Rápido de Neda B. O Prebenxamín B perdeu no Poboado por 2-5 (David e Carlos) ante o Rácing San Pedro B. Sétimos con 14 puntos visitan ó oitavo Cedeira B, que ten tres puntos menos.
Nova cortesía de Xose Ferreiro e A.F.