COPA GALEGA FEMININA: OITAVOS DE FINAL: CD AS PONTES 0 CD BÉRTOLA 5

As cativas do As Pontes xogaron esta tarde o encontro de ida dos Oitavos de Final da Copa Galega feminina ante o gran conxunto de Vilaboa, o Bértola, cuarto clasificado da Primeira Autonómica Feminina Galega.
O primeiro tempo foi bastante igualado, con ocasións pra ambos conxuntos, dúas ou tres boas pra as visitantes, e por parte local Clara no 13´ nun gran desmarque quedou soa pero mandou por fóra, e unha boa de Lau no 32´.
Pouco antes do descanso as pontevedresas encarrilabdan a eliminatoria co gol psicolóxico, tanto de Lolo. Ademáis o colexiado pasou un claro penalti por man das visitantes dentro da área.
O segundo tempo foi un vendaval e as pontevedresas impuseron a súa maior calidade, corpulencia e condición física, marcando catro goles, Lolo facía dous máis ata completar o hat trick, un golazo de San dende fóra da área e o último de Vane nunha indecisión dentro da área tras un córner. Ademáis as visitantes estrelaron dous balóns nos postes e Leti fixo varias paradas sublimes.
O As Pontes, unha vez logrado o gran éxito de acceder á fase final, xogou no campo grande por primeira vez na súa curta historia, e a semana que vén irán a Vilaboa pra despedir o ano, salvo sorpresa maiúscula.

0. CD AS PONTES. Leti (Alba 85´), Yaiza (Lía 67´), Mireia, Jani, Alba B (Chipy 60´), Lara, Clara, Noelia, Lau (Andrea Pita 80´), Carlota e Carliña (Candela 60´)
5. CD BÉRTOLA. Ali, Yeni (López 70´), Leti (Iria 73´), Lolo, Cris, San, Andrea, Vane, Carmen, Yas e Luci (Saray 73´).
Goles: 0-1, Lolo (43´), 0-2, Lolo (57´), 0-3, San (62´), 0-4, Lolo (74´), 0-5, Vane (83´).
Campo e incidencias: Campo de O Poboado. Tarde moi soleada pero con vento a favor das locais na primeira metade e das visitantes na segunda. Uns 100 espectadores.
Árbitro: Orozco Regueira (Ferrol).











































Nova cortesía de Xosé Ferreiro e A.F.