O equipo pontés de Atletismo desprazouse este domingo 22 de Setembro á cidade de A Coruña para participar na Carreira da Muller. Ás 07:30 sairon catro autobuses repletos dende o Cine Alovi.
Nesta popular carreira, que se disputaba por primeira vez en Coruña, e que tamén se celebra en Madrid, Barcelona, Valencia, Sevilla, Zaragoza, Gijón e Vitoria, podiase completar o percorrido tanto correndo, como andando, sobre todo para a xente máis veterana.
Ás 10:00 da mañá comezou a carreira de 5 kilómetros de distancia, na que o equipo pontés logrou unha dobre victoria.
A primeira por ser o concello con representación máis numerosa, xa que nin máis nin menos que 239 mulleres foron ás que chegaron á liña de meta, e segundo pola suma dos tres primeiros tempos, que marcaron a Campiona do Descenso do Sella, Susana Bellas, que foi 23ª, outra piragüista, Campiona de España, Virginia Polo, irmá do Campión de Europa, o gran Antonio Polo, que foi 44ª, e Tania Bellas 180ª. Chegaron á meta 2.620 mulleres.
De volta a casa o Concello de As Pontes obsequiou ás participantes con bocadillos, augas e diversas pezas de froita.
Gran éxito das mulleres pontesas esta pasada fin de semana na capital herculina, boa laboura de Susana Castro, e gran traballo do Clube Atletismo Olympo no fomento do deporte pontés.
Igualmente o Clube Atletismo Olympo anima a toda a xente pontesa que queira participar con eles en adestramentos e carreiras. O seu contacto é atletismoolympo@gmail.com.
Nova Cortesía do Clube Atletismo Olympo, Susana Castro e XF