Mañá será enterrado no cemiterio dos Alimpadoiros desta vila Evaristo Puentes Durán, pai do exárbitro de Primeira División, Evaristo Puentes Leira.
Evaristo faleceu hoxe na súa casa de As Pontes a idade de 83 anos. Foi unha persoa moi vencellada ó deporte local, en especial ó fútbol, pois durante máis de tres décadas foi o coidador das instalacións do Poboado, masaxista e o encargado do material do Club das Pontes. Foi aquela persoa que o amañaba todo. Unha persoa moi querida e prezada nas Pontes, que recibiu o seu merecido homenaxe en xullo de 2010 con motivo do pregón das festas, recibindo o recoñecemento do pobo de As Pontes cunha placa que lle entregou o alcalde pontés, Valentín González Formoso, así como a insignia de ouro e brillantes do Club Deportivo As Pontes que lle entregou Xaime Castro Paz, presidente do Club.
Nacera en Anca o 9 de xaneiro de 1930. Antes de vir para As Pontes foi xogador do Liñares, Sansa, Esteiro, Arsenal e o lendario Club Deportivo Puentes, deixando a práctica do fútbol en 1956 pasando a ser masaxista do Club pontés e encargado das instalacións deportivas do Poboado.
Co noso recoñecemento e agradecemento, o máis sentido pesar á súa familia. (A.F.)
Novas
- RESULTADOS CLUBE DE PIRAGUISMO GRUPO XUVENIL NOS LIV CAMPEONATOS DE ESPAÑA DE XOVENES PROMESAS.
- Curso de micro:bit
- ALBA ABRIL E MARÍA LEFLER DO CLUB DE VELA FLUVIAL AS PONTES, CAMPEONAS DE ESPAÑA FEMENINAS
- RESULTADOS CLUBE DE PIRAGUISMO GRUPO XUVENIL NOS CAMPEONATOS GALEGOS DE K-1 NA CATEGORÍA INFANTIL.
- Novo récord Galego de Gonzalo Iglesias Gómez
- LIV CAMPEONATOS DE ESPAÑA DE INVERNO DE PIRAGÜISMO
- NOTA PRENSA CR FENDETESTAS
- XVII campionato Xunta de Galicia de atletismo sub10 en pista curta e XIX campionato Xunta de Galicia de atletismo sub12 en pista curta
- Resultados de Esteban Díaz Pérez en 3000m
- Curso de Echidna shield para Arduino
Anterior
También podría gustarte
Comentarios