Vitoria do As Pontes na decimoterceira xornada da Liga da Ría, moito máis sufrida do que indica o marcador pois pese ó gol inical de Manu, ata os minutos finais houbo incertidume pero a calidade de Chungui en dúas ocasións decantou o marcador do lado dos ponteses, que nestas xornadas se están sabendo sobrepoñer á ausencia do seu ariete Gogas. Unha semana máis Cebarca, Galicia de Caranza e As Pontes manteñen o seu pulso particular pola conquista do título de Liga, cos tres equipos empatados a 33 puntos.
Nova cortesía de Xóse Ferreiro