LIGA GALEGA XUVENIL: CD AS PONTES 0 MONTAÑEROS BG B 1

O xuvenil de Liga Galega perdeu 0-1 na visita ó Poboado onte do Montañeros B adestrado polo ex deportivista Jose Ramón, non podendo prolongar o co-liderado alcanzado a semana pasada tras vencer 0-4 ó Eume e que compartía con Lugo B e Orillamar, por detrás do Vilalbés.
Mal partido dos ponteses, que non souberon remontar o gol dos coruñeses marcado no minuto dezasete do encontro.
O equipo de Carballo aliñou inicialmente a Kriki, Esteban, Rubén, Darío, Diego, Juan, Javi, Álex, Adrián, Dani e Sergio. Logo entraron Gonza, Jairo, Isma, Diego e o brasileiro Magi.
A vindeira semana reciben ó Residencia lugués, nun segundo encontro consecutivo na casa. Dous equipos da comarca lideran a táboa con 6 puntos, Galicia de Caranza e O Val, os azuis son séptimos.

Nova cortesía de A.F.