LIGA GALEGA XUVENIL: CD AS PONTES 4 – SCD MILAGROSA 1

Por mor do partido aprazado correspondente á decimoquinta xornada, que non se puidera disputar debido ó mal tempo, xogaron este sabado pola mañá As Pontes contra a Milagrosa, vencendo o cadro azul por 4 a 1.
Precisamente estes tres puntos aúpan ó cadro de Carballo á quinta posición con 28, empatado coa Milagrosa pero por diante por mellor goal average. Seguen liderando Caranza e O Val con 36 puntos, por 33 do Residencia e 29 do Vilalbés.
A pesar da contundencia do marcador non foi ata os últimos minutos onde se resolveu o encontro a prol dos locais pois faltando pouco o marcador reflexaba un inquedante 2-1. No primeiro tempo adiantou Javi ó As Pontes (14´), rápidamente empataron os lucenses (18´) pero Alex Montero volvía poñer por diante ós azuis (23´). Como comentamos, nos últimos dez minutos outro tanto do xogador de Cedeira, e outro de Isma “Capela”, daban tres puntos moi importantes ós locais sobre todo despois do 5-0 en Coruña.

Xogaron polo xuvenil pontés Krikry, Saviola (Darío 60´), Rubén, Gonza, Diego, Juan (Magi 89´), Adrián, Esteban, Javi (Tiny 81´), Alex, Sergio (Capela 85´).
O vindeiro sábado As Pontes e O Val dirimirán un duelo de rivalidade comarcal, un equipo valexo que comparte liderado co Caranza e tan so perdeu 2 partidos.












Nova cortesía de Xose Ferreiro