LIGA GALEGA XUVENIL: CD AS PONTES 3 SD O VAL 0
Victoria clara do As Pontes ante o gran equipo do Val, que marcha terceiro, por tres tantos a cero, en encontro aprazado que se disputou hoxe debido a que esta fin de semana non había competición de Liga pola disputa da segunda fase do Campionato de España Xuvenil e Cadete de seleccións autonómicas.
Adiantouse o As Pontes no primeiro tempo con dous tantos de falta, nada máis comezar, o capitán Juancito (5´), e mediada a primeira metade o ferrolán Dani Villar pola escadra (26´).
No segundo tempo tentaron buscar o gol os visitantes anque so crearon perigo cunha falta que parou Krikry, e cun cabezazo que marchou por alto.
Máis creou o As Pontes que tivo varias ocasións, cronolóxicamente dúas consecutivas de Sergio e Adrián que salvou o gardamallas visitante, un balón que perde o equipo rival e o esférico caelle que nin pintado a Adrián que a manda pegada ó pau, un bo centro de Criado que cabecea Javi pegado ó longueiro e o porteiro mete a luva o xusto para desviar a córner, un centro chut envelenado do propio Criado e incluso un gol ben anulado a Alex Montero.
Pero foi o capi Juan, quen faltando 15 minutos, recolle un balón na área, dispara, e pese a que o porteiro chega a tocar, o balón acaba entrando, sentenciando o encontro. Un encontro no que chegou a xogar o cadete Iván Carballeira e tamén estivo convocado o porteiro Ángel Prieto.
Gañou un partido o As Pontes, tres puntos, e subiu da undécima á sexta praza. Esta liga é moi competida, e asi, si o As Pontes hai unhas semanas estaba moi preto do descenso, coas victorias ante Negreira e O Val, e de conseguir gañar o outro encontro aprazado en casa ante o Eume Deportivo, o As Pontes colocariase nin máis nin menos que na cuarta posición.
Pero de momento antes da Semana Santa hai que rendir visita a Carballo para enfrontarse ó Bergantiños, que marcha décimo con 37 puntos.
Destacados Caranza e Residencia con 54, O Val 45, Fátima e Vilalbés 42 e As Pontes 40. O Orillamar, que marca momentáneamente a criba do descenso con 33 puntos, perdeu no seu encontro aprazado, a domicilio en Viveiro, 2-0.
Xogaron polo cadro de Jose Carballo, Krikry, Saviola, Rubén, Diego (Gonza 77´), Esteban, Juan (Iván Carballeira 90´), Adrián (Diego Filgueiras 88´), Alex Montero, Javi, Dani Villar (Capela 84´) e Sergio Criado.
Nova cortesía de Xose Ferreiro e A.F.