Nota de prensa XPAP: Xunt@s por As Pontes organiza unha palestra sobre educación: a LOMCE, as reválidas e o contexto educativo
Terán lugar este xoves 24 ás 20:00 horas na sala de exposicións Mercado Vello.
A plataforma cidadá Xunt@s por As Pontes convida a toda a veciñanza á palestra sobre educación que terá lugar este xoves día 24 de novembro, ás 20:00 horas na sala de exposicións Mercado Vello, coincidindo coa folga xeral organizada para o mesmo día por toda a comunidade educativa.
No faladoiro, que versará sobre a LOMCE, as reválidas e o contexto educativo, intervirán:
– Emilio Santos Maira, estudante, fará unha contextualización da situación que da pé á LOMCE;
– Jéssica Fernández Polo, Orientadora escolar, explicaranos o impacto real e directo desta lei no alumnado e nas familias, con análise de casos concretos;
– Mariló Candedo Gunturiz, Profesora universitaria e Presidenta da Nova Escola Galega, abordará a situación actual da LOMCE, as súas consecuencias e os avances que se acadaron nos últimos meses.
Ao remate, abrirase un espazo para o debate no que todas as persoas que asistan poderán participar.