Consegue en tempo real avisos de novos artigos no teu dispositivo, subscribete agora.
O futbolista pontés David Carballo Criado (3-3-2006) debutou onte co primeiro equipo do Racing de Ferrol na primeira eliminatoria copeira disputada en Cuarte de Huerva (Zaragoza), ante o equipo locatario, que os verdes gañaron folgadamente por 1-3, tantos de Vallejo, Jauregui e Álvaro.
David Carballo iniciouse no CD As Pontes da súa localidade natal, equipo no que xogou no seu Prebenxamín B na campaña 2012-13 e o Prebenxamín A na temporada 2013-14 (Fotos Antón Ferreiro).
Posteriormente xogou nas categorías inferiores do Deportivo de A Coruña, Benxamín, Alevín, Infantil e Cadete. En 2022, xa en idade xuvenil, fichou polo Racing de Ferrol, clube no que compaxina o primeiro equipo, ás ordes do brillante tándem Cristóbal Parralo-Javier Manjarín, co xuvenil de Liga Nacional.
David sigue así os pasos no fútbol de élite dos seus paisanos David Rochela, Adrián López, Diego Bermúdez, Enrique Fornos, ou Malena Mieres, entre outros.
Foto portada Racing de Ferrol. Nova cortesía Xose Ferreiro