O Club Pub Silver, de Narón, un equipo habitual nos maratóns do verán, foi o vencedor da fase pontesa da 1ª Copa de España de Fútbol-7 Senior Afeccionado que organiza a Fundación da RFEF en colaboración cos concellos de sete cidades españolas. Ademais de As Pontes, participan nesta primeira edición as cidades de Albacete, Torrejón de Ardoz, Córdoba, Guadalajara, Badajoz, León, Palencia, Tres Cantos e Calp.
Na sé pontesa participaron nove equipos, das comarcas do Eume, Ferrolterra, Ortegal e A Chaira luguesa, repartidos en tres grupos de tres pasando ás semifinais os campións máis o mellor segundo. A final disputárona o Bar A Pía, de Neda, e o Pub Silver, de Narón. O resultado final foi de dous goles a cero a favor do Pub Silver, equipo que participará na gran final a disputar en vindeiras datas na localidade de Calp (Alacant).
Tódolos partidos disputáronse no Campo de Deportes do Poboado, de As Pontes, estando a organización a cargo do Club Deportivo As Pontes. Arbitraron os doce partidos os colexiados de Terceira División da delegación de Ferrol, Víctor García Villaverde, Fernando Formoso Sánchez e Juan Orozco Corredoira.
A xornada do sábado disputouse a fase previa de grupos, con estes resultados:
GRUPO A
Muchacalidad Carnicería Bruno (2-2)
Atletic Maravilla Carnicería Bruno (3-0)
Atletic Maravilla Muchacalidad (1-3)
GRUPO B
Triskel Deportes Equipa (0-0)
Pub Silver Triskel (5-3)
Pub Silver Deportes Equipa (6-1)
GRUPO C
Kpus Students Escolantes da Chá (11-0)
Bar A Pía Escolantes da Chá (15-0)
Bar A Pía Kpus Students (5-1)
O domingo pola mañá xogáronse as semifinais con estes resultados: Muchacalidad Bar A Pía (2-4) e Pub Silver Kpus Students (4-0). Pola tarde enfrontáronse os gañadores na final co resultado de 2-0 a prol de Pub Silver.
Ó remate do torneo os concelleiros do Concello de As Pontes, Jesús Tembrás Martínez e Antonio Castro Ferreiro, fixeron entrega dos trofeos ós catro finalistas, así como un obsequio a Xaime Castro Paz, presidente do Club Deportivo As Pontes, equipo da Terceira División.
Nova cortesía de A.F.