PARTICIPACIÓN DE MALENA NO CAMPIONATO DE ESPAÑA
Galicia venceu ás Illas Baleares e perdeu con Cataluña.
A Selección Galega Sub18 participou esta fin de semana na primeira fase do Campionato de España, disputada en Castelldefels.
No primeiro partido gañaron 2-0 ás Illas Baleares, tantos de María Calvar e Rosalía Muíño, ademáis dun remate ó poste de Nuria Rábano, nun encontro no que foron moi superiores e puideron golear.
Máis complicado foi o encontro co conxunto que actuaba como locatario, a selección catalana, campiona dos dous anos anteriores, e que vencerá anteriomente a Baleares 3-0.
A selección de Cataluña sub18 tiña ata catro xogadoras que foron bronce con España no pasado Mundial sub17, Berta Pujadas, Laia Alexandri, Paula Fernández e Candela Ándujar.
Adiantáronse cun tanto de Laura Fernández, e nun remate tras un córner mandaron o balón ó poste, si ben é certo que nos derradeiros minutos a selección irmandiña tamén estrelaba un remate na madeira, e unha defensa catalana sacaba un balón baixo paus.
A porteira titular nos dous encontros foi Carmen Sumay, do Victoria coruñés, en detrimento de Malena.
Menos sorte tivo a sub16 que perdeu 1-4 con Baleares e 1-5 con Cataluña, con tres goles de Claudia Pina, que tamén estivera no Mundial de Jordania.
Galicia xogará a segunda fase a primeira fin de semana de Febreiro contra o País Vasco, Navarra, e o cuarto clasificado do grupo que forman C.Valenciana, Rexión de Murcia e as dúas Castelas, grupo que non puido xogar polo temporal.
Nova cortesía de Xose Ferreiro