Continua sen gañar o As Pontes, que xa é terceiro pola cola, e si ben polo menos non perdeu nas tres últimas xornadas, ben é certo que leva nove partidos sen coñecer a vitoria, aproximándose aos rexistros da primeira volta da campaña pasada.
No día de hoxe tívoo moi cerca, pois pese a adiantarse os lucenses cun golazo pola escuadra de Diego Torres (30´), tras un penalti a Cayetano anotaba Michel (36´), e xa no segundo período, nunha xogada rocambolesca, un mal saque do gardamallas visitante rebotaba nun xogador pontés e aproveitaba Dani para marcar por alto coa meta desguarnecida, co que se poñía por diante o cadro azul (47´).
Pero igualou no último cuarto o mítico Mauro Busi (76´), e os locais son terceiros pola cola con 14 puntos, cunha trascendental visita ao Dubra, dous postos e un punto por encima.
Xogaron Pita, Criado, Mascareña, Coello (Javi 66´), Castilla, Traba, Vilela (Jandro 84´), Cayetano (Echavarri 76´), Dani, Manso (Vila 66´), Michel (Rivera 84´).
Nova cortesía Xose Ferreiro
Nova cortesía Xose Ferreiro