Resultados do clube Grupo Xuvenil de piragüismo
LVI Descenso Internacional do Sil. 14/09/2024
Consegue en tempo real avisos de novos artigos no teu dispositivo, subscribete agora.
O día 14 de Setembro, o Club Grupo Xuvenil As Pontes desprazouse con 8 deportistas ata a localidade de O Barco de Valdeorras para participar no LVI Descenso Internacional do Sil.
Nunha regata organizada polo Concello de O Barco de Valdeorras, cuns medios de seguridade excepcionais, e un ambiente estupendo, as 18h. déronse as sucesivas saídas dende Sobradelo de Valdeorras(Carballeda de Valdeorras), cun recorrido de rápidos intensos durante sete quilómetros e medio ata rematar no Malecón(O Barco de Valdeorras).
No deportivo, o mellor posto foi acadado por Xalo G. e Adrián F., 3ºs en K2 junior, xa no k2 senior mixto Celia e Polo ocupaban a 4ª posición, en K2 Home Senior Josiño e Antón chegaban 5ºs, mesmo posto que acadaban no Home K2 Veterán Timiraos e Lolo.
Entre todos conseguían situar o club entre os dez primeiros, acadando un honroso oitavo posto.
Nova cortesía do Grupo Xuvenil.