O xuvenil B perdeu nos últimos minutos no seu desprazamento a Ferrol para xogar co San Pedro que gañou 1-0. Son decimoprimeiros con 10 puntos e a semana que ven reciben ó Miño que vai tres postos por debaixo pero so a dous puntos.
O equipo infantil empatou 3-3 co Cebarca tras remontar e incluso puideron gañar pero malograron un penalti. Marcaron Josiño, Jandro e Iago pra os azuis que suman 4 puntos en tres encontros e a semana que ven xogarán contra o Amistade de Meirás que aínda non puntuou.
No fútbol pequeno unha gran alegría supuxo a victoria do Alevín A 0-6 ante o Narón BP C, que ademáis lle sirve pra recuperar o liderato, nunha liga moi emocionante que polo de agora lidera Eume B pero seguido de As Pontes e Caranza B cos mesmos puntos, 21, despois virían Perlío e Amistade de Meirás con 19. Pero nesta xornada asustou o Eume B que goleou 0-7 ó Amistade de Meirás e que curiosamente gañou todos os seus encontros o equipo de Pontedeume menos o que perdeu no Poboado (3-2). A semana que ven os azuis xogarán en casa contra o Ortigueira.
O Alevín B pola súa banda perdeu 0-8 co EFR Ferrol C, ainda non puido puntuar e por desgracia a semana que ven vistará ó Narón Balonpé que lidera tras golear nos seus sete encontros anteriores.
O Benxamín A gañou 0-5 ó Animas B, o que lle serve pra sumar a súa terceira victoria, situandose na oitava praza con 10 puntos, tentarán seguir coa boa racha vencendo o sábado no Poboado ó penúltimo clasificado Narón BP C.
O Benxamín B pola súa banda perdeu 0-5 co terceiro clasificado, EFR Ferrol B, son undécimos con 3 puntos e a semana que vén visitan ó Miño, que vai sexto.
Victoria do PreBenxamín A que gañou 6-1 ó Cariño, e coa súa quinta victoria situase cuarto con 15 puntos, a semana seguinte visitarán ó todopoderoso EFR Ferrol, que lidera comodamente a taboa con 8 victorias contundentes en 8 encontros. Os goles foron anotados por Yadai e Xoel que fixeron dous, e Isma e Sergio que anotaron un.
Os mais pequeniños do Prebenxamín B pola súa banda perderon 7-0 na casa do colíder Rápido de Neda, e seguen decimosegundo con 4 puntos, recibindo o próximo sábado ó Numancia de Ares.
Nova cortesía de Xose Ferreiro e A.F.