Oitavo partido consecutivo de Liga do Esteo a domicilio no que se logrou un importante triunfo nas Somozas por 6-3 ante o Albense de Salamanca.
O cadro pontés xa marchaba 3-0 ao descanso con tantos de Jhony, Guillán, e Troncho, e ao pouco da reanudación, facía o cuarto Jandro a pase de Cokito.
Mediado o segundo período os visitantes quedaban cun menos e aínda que o Esteo non soubo sacar proveito dos dous minutos en superioridade, semellaba que sentenciaba Alberto que marcaba o 5-0 a porta baleira tras pase de Héctor faltando pouco.
Nada máis lonxe da realidade pois en pouco máis dun minuto fatídico os castelán leoneses poñíanse 5-3, tranquilizando Héctor co 6-3 definitivo cun tanto a porta baleira faltando poucos segundos.
Tres puntos de oxíxeno para o Esteo que escala á antepenúltima posición con 7 puntos antes de visitar ao perigoso Leis de Pontevedra, cuarto con 15 puntos.
O ESTEO FS. MFailde, Cokito, Héctor, Alberto, Troncho – Guillán, Jhony, Jandro, JFailde, Dani, Joan.
ALBENSE FS. Miguel, Sergio, Morales, Pinto, Jorge – Juan, Carlos, Roberto, Moreiro, Alex, Tejedor.
GOLES. 1-0, Troncho (4´), 2-0, Guillán (6´), 3-0, Jhony (17´). 4-0, Jandro (22´), 5-0, Alberto (35´), 5-1, Roberto (38´), 5-2, Morales (39´), 5-3, Morales (39´), 6-3, Héctor (40´).
Incidencias. Amarelas a Guillán, Alberto. Expulsado por dobre cartón o visitante Sergio Sánchez (29´). Uns 100 espectadores no Pavillón das Somozas.
Nova cortesía de Xose Ferreiro e Moisés Fernández