O Esteo logrou onte o seu primeiro triunfo, no derbi. Leva seis partidos xogando a domicilio e incluso no de onte os ferroláns o facían a un paso da Malata.
Tras chegar ao descanso con 2-2, con alternativas e ocasións para ambos, no segundo período adiantabanse os ponteses por medio de Guillan nunha xogada con un visitante no chan, e o propio Guillán conseguía o 4-2 de penalti engañando completamente a Ángel.
Anteriormente resaltar que noutro penalti, neste caso tirado polo cadro ferrolán cometido por Alberto, que tirou Naveira, estivo sensacional Failde, que sacou o balón co corpo, resultando vital vendo o axustado do marcador final.
Con xogo de 5 para 4 recurtaban distancias os brancos nun balón que acaba desviando un xogador local. O último minuto foi moi duro para o Esteo pois nunha rigurosa falta vía a segunda amarela Guillán, quedando cun xogador menos.
Pero a pesar de xogar os parrulos no perigoso xogo de 5 para 3 non conseguían marcar logrando os ponteses os seus tres primeiros puntos, abandonando o farolillo, pero penúltimos con 4 visitan a complicada cancha de A Estrada, que ten 7.
O ESTEO FS. MFailde, Guillán, Héctor, Alberto, Troncho – Cokito, Jandro, Jhony, JFailde.
O PARRULO B. Ángel, Naveira, Renatinho, Muri, Alonso – Dani, Caio, Cheski, Mario.
GOLES. 1-0, Guillán (1´), 1-1, Alonso (3´), 1-2, Cheski (7´), 2-2, Jhony (16´). 3-2, Guillán (22´), 4-2, Guillán, de penalti (28´), 4-3, Alonso (37´).
Incidencias. Amarelas a Cokito, Alberto, Troncho, Naveira, Alonso. Expulsado por dobre cartón o trigoleador Guillán (39´). Uns 100 espectadores no coqueto Pavillón de A Xunqueira de San Valentín (Fene).
Nova cortesía Xose Ferreiro e Moisés Fernández