Triste empate do As Pontes ante un conxunto visitante, o Brión, que se presentou con so 9 xogadoras, sen adestrador e sen delegado, e que ó final do encontro sumou un máis que meritorio punto.
Comezaba o partido con dous bos goles da xogadora da selección Paty Blanco, no 14´e no 17´, quen tras zafarse da defensa resolveu ben ante a porteira. O encontro parecía sentenciado coa ventaxa e coa superioridade numérica e así se chegaba ó descanso. Pero nada máis lonxe da realidade, na segunda metade as visitantes foron a pola victoria, e as locais recuaron e non pasaban do medio campo. Avisaron con un penalti lanzado por Aly no 51´que salvou Leti, pero dous minutos máis tarde marcou Silvia o 2-1. No 58´, Leti, que estivo maxistral, salvou o empate nun cara a cara coa dianteira Silvia. Pero no 69´ as vistantes lograron o meritorio empate tras un xogadón da mellor xogadora do encontro, Roibás, un peldaño por riba das demáis, que dentro da área regatea a defensa e define con maestría ante Leti. A raíz do empate as pontesas estiraronse e comezaron a buscar o gol, e no 80´, tras un pase en profundidade de Carlota, a capitana Patri Dopico pica o balón ante a saída da porteira e marca. Semellaba que o marcador ía quedar así pero no 88´ Silvia recibe un balón libre de marca e consigue a igualada.
En definitiva, dous puntos que se escapan do Campo do Poboado, e meritoria igualada dun equipo que xogou 90 minutos con dúas menos, e para nada se encerrou atrás senón que buscou a victoria en todo momento, dando unha lección de fútbol.
Ademáis, por parte local, lesións de Candela, Cris e Sara, mala noticia para un conxunto que xa de por si anda bastante xusto de efectivos.
3 CD As Pontes. Leti; Yaiza, Jani, Silvia, Cris (Paula 45´); Andrea, Lara (Mar 70´), Clara (Sara 59´) Carlota; Candela (Patri Dopico 42´), Paty Blanco (Laura 59´).
3 Santa Minia Brión. Belén, María, Fati, Silvia, Leti, Vane, Roibás, Sonia, Ali.
Goles: 1-0, Paty Blanco (14´), 2-0, Paty Blanco (17´), 2-1, Silvia (53´), 2-2, Roibás (69´), 3-2, Patri Dopico (80´), 3-3, Silvia (88´).
Campo e incidencias: Campo Anexo do Poboado. 50 espectadores en tarde chuviosa.
Árbitro: Salgado Paz (Ferrol). Cartón amarelo á visitante Silvia.
Nova cortesía de Xóse Ferreiro
