Consegue en tempo real avisos de novos artigos no teu dispositivo, subscribete agora.
Reparto de puntos entre o Esteo e Ventorrillo nun partido que era vital para a permanencia dos dous equipos. O partido foi moi disputado con dous conxuntos que buscaron os tres puntos dende o inicio do encontro. Así, ataques continuos nunha e outra portería, aínda que con pouco perigo na primeira metade, que rematou con empate a un gol con goles de Rubi, para o Esteo, e Matos para os coruñeses. Na segunda parte moitas máis oportunidades para os ponteses, que puideron sentenciar o encontro nos primeiros minutos en ocasións de Gerardo, Rubi e Gerveno, pero o balón non entrou por pouco e ademais os ponteses atopáronse cun porteiro, como Juanjo, que parouno e rexeitouno todo ó longo dos corenta minutos. Gerardo, no minuto once deste segundo tempo, marcou o segundo gol local, que parecía ía ser o definitivo, co que os puntos se quedarían na casa. Sen embargo, a falta de catro minutos para o final do partido, os coruñeses aproveitáronse dun grave erro defensivo dos ponteses para igualar o encontro a dous goles por mediación de Aitor, resultado que ó final sería o definitivo. Un punto para cada equipo, que pode valer moito para o Esteo de cara á permanencia na categoría de bronce do fútbol sala estatal a falta de dúas xornadas para o final. Tralo empate de hoxe, os ponteses ocupan momentaneamente a sétima praza da clasificación á espera do que fagan Guardo e Zamora nos seus compromisos contra Pizarras TC e Cuéllar.
FICHA DO PARTIDO
O ESTEO FS: Chotto, Gerardo, Fran, Gerardo, Rubi cinco inicial- Pelu, Gerveno, Rober Paz e Bolly
VENTORRILLO FS: Juanjo, Martín, Borja, Matos, Aitor cinco inicial- Piñe, Edgar, Oscarín, Buxía, Deivi e Fon.
GOLES: Min 16 (1-0), Rubi. Min. 18 (1-1), Matos. Min 31 (2-1), Héctor. Min 36 (2-2), Aitor.
ÁRBITROS: Regular arbitraxe dos asturianos Álvarez Rodríguez e Santoveña Fernández. Amoestaron con amarela ós locais Pelu, Gerveno, Gerardo e Héctor e ós visitantes Edgar e Aitor.
Nova cortesía de A.F.