TERCEIRA DIVISIÓN. CD AS PONTES 0 SOMOZAS 0

Reparto de puntos no partido disputado na tarde de hoxe no Campo do Poboado nunha tarde moi fría.
Nun partido igualado, en canto a ocasións houbo dous tempos para cada equipo.
No minuto 8, dentro da área, o balón vai a parar ós pes de Iván González, pero o seu dipsaro marcha preto da escadra. A oportunidade máis clara, no 27´, Vidal dalle un pase en profundidade maxistral a David Amado, pero este, so, en carreira e en posición franca, manda o balón ó corpo do porteiro na saída de Jose Ramón.
No 68´e no 69´ Simón tivo dúas boas intervencións en sendos disparos de Edi e Rubén. No 74´ o fillo de Recemel tivo outra boa ocasión nun bo chut dende fóra da área que marchou a rentes do pau. A réplica puxoa no 77´ Iván González nun disparo que tamén se foi fora por pouco.
En definitiva, reparto de puntos, os de Somozas quedan quintos con 33, e os azuis novenos con 31. A semana que vén xogarán ante o Estradense. A resaltar o debut en casa de Charlón.

0 CD AS PONTES. Simón, Rochela, Moncho, Chote, Juan, Dani, Iván González, David Vidal (Charlón 64´), David Amado (Hugo Soto 70´), Schuster, Jordi.
0 SOMOZAS. Jose Ramón, Quintián, Dani García, Dani Gómez, Seijas, David Franch, Sueiro, Edi, Rubén, Moreiras (Nando 60´), Luis Coedo (David 90´).
Árbitro: Formoso Sánchez (Ferrol). Auxiliado nas bandas por Veiga López e Brito Regadera. Amosou cartón amarelo a Seijas, Juan e Charlón.
Campo e Incidencias: Campo de O Poboado. Uns 300 espectadores, moitos visitantes, en tarde moi fría. Partido correspondente á 22ª xornada de Liga.






















Nova cortesía de Xose Ferreiro e A.F.