Consegue en tempo real avisos de novos artigos no teu dispositivo, subscribete agora.
Importante vitoria do Esteo na sempre difícil pista do Bueu nun partido moi vistoso e cun xogo moi igualado que se decidiu mediada a segunda parte. Houbo moita igualdade nos primeiros vinte minutos con poucas ocasións de gol cun Esteo que non era capaz de facer o seu xogo de ataque doutras ocasións e un Bueu que creou certo perigo. Ós doce minutos Héctor poñía o 0-1 logo dunha boa combinación con Pelu. Sen embargo, dous minutos despois David marcaba para os locais, resultado co que se chegou ó descanso. Na segunda parte os ponteses saíron a polo partido e dominaron claramente ó seu rival. Rubi, Fran e un tanto en propia porta poñían ós ponteses cun claro marcador de 1-4 a falta de tres minutos e medio para o final do encontro. Un gol do local Javi poñía algo de emoción ó partido, pero con escaso perigo para a portería de Choto.
Con este triunfo o Esteo segue firme na primeira posición cunha ampla vantaxe doce puntos- sobre os seus perseguidores a falta de nove xornadas para o final de liga. O vindeiro sábado (16,45) os ponteses reciben no pavillón da Fraga ó Leis de Pontevedra, un histórico vido a menos, equipo que chegou a militar na División de Honra do fútbol sala español.
FICHA DO PARTIDO
A.D. BUEU: Piki, Lea, David, Mon, Adri cinco inicial- Pocho, Javi e Toño.
O ESTEO FS: Choto, Gerardo, Fran, Bolly, Rubi cinco inicial- Pellón, Héctor, Pelu e Gerveno.
ÁRBITROS: Otero Baltasar e Roldán Pérez (Pontevedra). Tarxeta amarela a Toño, Fran e Héctor.
GOLES: Min. 12 (0-1), Héctor. Min. 14 (1-1), David. Min. 27 (1-2), Rubi. Min. 31 (1-3), Fran. Min. 36 (1-4), Adri, en propia porta. Min. 38 (2-4), Javi.
INCIDENCIAS: Partido da 21ª xornada de Terceira División de fútbol sala disputado no pavillón municipal de Bueu.
Nova cortesía de A.F.