TORNEO DE KAYAK POLO INDOOR AS PONTES 2010
Deportistas de moitos kilates puideronse ver durante este sábado na piscina municipal de As Pontes.
No tradicional torneo indoor que organiza cada ano o Grupo Xuvenil houbo representantes de toda Galicia e incluso de Asturias.
Na final sub21 enfrontaronse o Copacabana de Ferrol e o Grupo Xuvenil de As Pontes. Moitos dos xogadores de As Pontes foron o ano pasado campións de España sub21, como os xemelgos Diego e David Cebreiro, e incluso o equipo local contou coa axuda da internacional española sub21, Alba Fernández, de Ferrol. Polo cadro departamental, un colectivo con moita carga de adestramento e moitos campións de España sub16. Ó final acabaronse impoñendo os de Ferrol por 7-4 nun disputado partido. O bronce foi para o Umia de Caldas de Reis.
Moito máis disputado foi o partido polo bronce na categoría absoluta. No segundo equipo do Grupo Xuvenil doblaban os xemelgos, tamén estaba o campión de España sub21, Ismael Prieto, Andrés Mieres e o campión mundial sub21 como adestrador, Roberto Rivera Rego, entre outros. Enfronte o Rodeira de Cangas, que se acabou impoñendo por 7-6, logrando a medalla de bronce.
Xa na final enfrontabanse o Grupo Xuvenil contra o Umia de Caldas de Reis. Polo cadro local, todo un luxo, o seleccionador español absoluto, como xogador 5 veces mundialista e outras tantas europeo, Serafín Fontao, o seleccioandor español sub21, ex internacional, Carlos Mieres, o tamén ex internacional Iván Pena, o campión mundial sub21 en 2004, o ferrolán Hugo Gónzalez, e Óscar Fernández. Nun duelo que comezou igualado, con marcador de 2-2, ó final os locais acabaron despregando todo o seu talento para impoñerse por un cómodo 9 a 2.
O Alcalde de As Pontes, Valentín González Formoso ,fixo entrega dos respectivos trofeos ó final da competición. Como anécdota, o trofeo ó gañador absoluto colleuno o fillo de Serafín Fontao.
Nova cortesía de Xose Ferreiro e A.F.