V MARATÓN DE FÚTBOL SALA ANPAS ABRENTE

Esta fin de semana disputouse unha nova edición do maratón de fútbol sala “Anpas Abrente 2011” de pais, nais e mestres dos colexios da localidade.
Catorce foron os equipos que competiron, sete de homes e outros sete de mulleres, divididos en grupos de catro e tres equipos cada un. En homes chegaron á final Monte Caxado B e A Fraga, encontro que se resolveu na quenda de penaltis, xa que o tempo regulamentado rematou con empate a un gol, vencendo A Fraga por 4-3. En mulleres repetiu título o conxunto da escola infantil A Barosa que gañou por 2-0 ó cadro de A Fraga.

En total marcáronse 72 goles nos 26 partidos disputados na xornada do sábado e a mañá do domingo. As finais de consolación, que xogaron os derradeiros clasificados de cada grupo foron para Santa María, en homes, que gañou a Moncho Valcarce por 3-2, e en mulleres Santa María venceu a Monte Caxado B por un gol a cero. Polo que a culler desta quinta edición foi para Moncho Valcarce, en homes, e Monte Caxado B, en mulleres.
Aínda que tódolos equipos merecían o premio á deportividade, o xurado decidiu concedelo ó equipo masculino de Santa María e ó feminino de Castro da Uz. Presidiu a entrega de trofeos a concelleira de deportes, Eva Conde.
Minuto de silencio na memoria de Manolo Rivas
Antes de disputarse os encontros das finais gardouse un emotivo minuto de silencio na memoria de Manuel Rivas, home moi apreciado e moi querido no mundo asociativo e cultural da vila pontesa falecido o pasado mes de marzo. Unha boa persoa e un amigo a quen todos botaremos moito de menos.

Nova cortesía de A.F.