Vitoria do Esteo sobre o Pazos de Borbén, por 5-1, que lle permite achegarse a un punto do Bembrive, equipo que nesta xornada perdeu na casa do Bueu. En canto ó partido, sinalar que o dominio correspondeu ó conxunto das Pontes, pero enfronte tivo a un complicado cadro pontevedrés que non lle puxo as cousas fáciles ós ponteses, que anotaban o seu primeiro tanto ós dous minutos e medio de partido por medio de Rubi. Os dous equipos crean ocasións, máis os ponteses, os que a falta do catro minutos para o descanso logran o segundo, tamén obra de Rubi. Nada segunda parte o Pazos quere igualar o encontro sacando porteiro-xogador e Joni acurta diferenzas no marcador ós nove minutos. A arriscada táctica visitante propicia os contragolpes dos ponteses, creando ocasións de gol, da que logrou tres máis. Primeiro sería Pellón (min. 9) e nos instantes finais, Rubi volve a marcar por partida dobre co que se converteu en protagonista do encontro ó marcar catro dos cinco tantos do seu equipo.
Con este resultado e a derrota do Bembrive, o Esteo depende de si mesmo para lograr o ascenso nas catro xornadas que restan para o remate da competición. Recibirá na casa ó Vilamartín e Bueu mentres que viaxará a Ribeira de Piquin e a Vigo para enfrontarse ó Bembrive na penúltima xornada.
O ESTEO FS: Niceto, Pellón, Fran, Gerardo, Rubi cinco inicial- Pelu, Bolly, Anxo, Gerveno e Diego Pellón.
PAZOS DE BORBÉN: Esteban, Eloy, Joni, Lito e Jacobo cinco inicial- Hugo, José e Biza.
ÁRBITROS: Pena Pereira e Martín Vez (Ferrol). Amoestaron ó visitante Lito.
GOLES: Min. 3 (1-0), Rubi. Min. 16 (2-0), Rubi. Min. 29 (2-1), Joni. Min. 30 (3-1), Pellón. Min. 39 (4-1), Rubi. Min. 3952 (5-1), Rubi.
INCIDENCIAS: Partido da décima xornada da fase de ascenso a Segunda División B disputado no pavillón municipal da Fraga, que rexistrou unha entrada duns douscentos espectadores nas gradas.
OUTROS RESULTADOS (10ª xornada)
AD Bueu M. Bembrive (6-2)
C. Trabada C. Vilamartín (2-4)
Rececende Ribeira de Piquin (3-2)
CLASIFICACIÓN (ptos.)
1º M. Bembrive (23)
2º O Esteo FS (22)
3º C. Vilamartín (18)
4º CD Rececende (13)
5º Ribeira de Piquin (13)
6º AD Bueu (10)
7º Pazos de Borbén (9)
8º C. Trabada (6)
Nova cortesía de A.F.