O As Pontes recibe ó Dorneda co fin de manter a súa boa racha

[Diario de Ferrol, por Xosé Cendán] O As Pontes comeza o ano coa intención de darlle continuidade á victoria acadada no último partido de 2008. O conxunto pontés enfróntase esta tarde -16.30 horas, O Poboado- ó Dorneda coa intención de enlazar un segundo triunfo consecutivo que o permita afastarse da zona perigosa da táboa.

Por esa razón, o cadro de Ferrolterra realizou traballo extra durante o período navideño, coa intención de adquirir a condición necesaria para realizar un bo final de primeira volta e unha boa segunda. O técnico do As Pontes, Alberto López, elaborou unha convocatoria novidosa de cara a este enfrontamento. Así, entre as baixas dos lesionados Dani, Seco e Hugo e as ausencias por decisión técnica de Aguado, Santi e Pablo, o adestrador lugués deu entrada a dous xuvenís que, ademais, contan con bastantes posibilidades de xogar. É o caso do mediapunta Carballeira -primeira citación para un compromiso oficial- e o dianteiro Aguado, que tratarán de darlle ó ataque a efectividade que lle está a faltar. Neste encontro, o cadro pontés espera acadar a súa primeira victoria como local desde que Alberto López se fixera cargo do equipo.