RESULTADOS XXIV MEMORIAL CARLOS FORNOS – VII TROFEO JOSE RAMÓN CORRAL
Disputouse este pasado domingo no lago de As Pontes, con 23 equipos participantes.
Consegue en tempo real avisos de novos artigos no teu dispositivo, subscribete agora.
Esta pasada fin de semana disputouse no lago a Travesía de As Pontes, 24º Memorial Carlos Fornos e 7º Trofeo Jose Ramón Corral.
Competían as grandes embarcacións, K4 e C4, e a distancia para todas as categorías era de 8 kilómetros, agás os cadetes, que facían cinco.
Na participación pontesa, en K4 veteráns, o Grupo Xuvenil foi cuarto, co mítico Serafín Fontao, Jose Ángel Pico, Jose Manuel Ferreira e Jose Manuel García. Gañou o Club Náutico Firrete de Pontedeume.
Foi décimo sexto o K4 Senior, de Jose Antonio Menéndez, Rubén Basanta, Ernesto Gancedo e David Tonislavov, sendo gañador desta proba o Club Piraguismo Vilaboa.
Por último, no K4 Xuvenil, foron quintos, Xose Guerreiro, Carlos Durán, Martín García e Miguel Domínguez, nunha regata na que venceu o Club Fluvial de Lugo.
Outro vencedores foron, Club Piraguismo Verducido-Pontillón (K4 Cadete), Club Breogán do Grove (C4 Senior e K4 Senior Feminino), Club As Torres Romaría Vikinga (C4 Xuvenil e K4 Cadete Feminino), Club Náutico Pontecesures (C4 Cadete), Club Piraguismo Cidade de Lugo (K4 Xuvenil Feminino).
Por equipos, gañou o Club Piraguismo Vilaboa, por diante de Club Naval de Pontevedra e Club de Mar Ría de Aldán-Hermanos Gandón, sendo décimo cuarto o Grupo Xuvenil.
Nova cortesía de Xose Ferreiro