A pontesa Susana Castro, campiona galega en 400 metros vallas
Consegue en tempo real avisos de novos artigos no teu dispositivo, subscribete agora.
A atleta do Ría de Ferrol-Concepción Arenal Susana Castro Pena venceu onte na proba dos 400 metros vallas nos Campionatos Galegos Absolutos ó aire libre disputados esta fin de semana na pista da Malata (Ferrol). Susana cubriu a distancia nun tempo de 1:06:27, en segunda posición entrou Alba Fernández con 1:06:44, e en terceiro posto Cristina Estévez con 1:09:07.
O Ría de Ferrol logrou tres ouros máis cunha sensacional Lidia Casal que venceu en 100 e 200 lisos e ademáis axudou ó triunfo no relevo 4 por 100 (Candela Día, Jade Martínez, Iria Martínez). Tamén logrou o triunfo a atleta do Narón Sonia Beceiro en 110 metros vallas.
Tamén gañou Santi Pérez, 8º en Atenas 2004 e 6º no Europeo 1998, nos 10 kilómetros marcha, e o plusmarquista e dez veces campión de España, Gustavo Dacal, que se impuxo na súa proba de lanzamento de xabalina.
Nova cortesía de Xóse Ferreiro