ACTUACIÓN DOS ALEVÍNS DO ESTEO NA FASE FINAL DA COPA DA TERRA CHÁ
Conseguiron un título e un subcampionato.
Os dous equipos Alevíns do Esteo pontés de Fútbol Sala disputaban esta fin de semana a Fase Final de Copa, cita á que chegaban os 4 mellores equipos de cada categoría.
O Alevín A, os de segundo ano, gañaba nas semifinais ó Meira por penaltis tras rematar o encontro con empate a 3-3, pero sucumbía na final ante o potente equipo do Concello de Guitiriz por 6-2. O torneo disputouse en Mondoñedo o sábado.
Pola súa banda, o Alevín B, os de primeiro ano, lograba brillantemente o título de Copa, tras derrotar en semifinais 4-0 ó Rábade, impoñéndose logo na final ó Cospeito por 3 goles a 1. A competición celebrouse en Rábade este domingo.
Nova cortesía de Diego Vinicius e X.F.