AMIGABLE DE VETERANOS A BENEFICIO DA COCIÑA ECONÓMICA
RACING DE FERROL DEPORTIVO DA CORUÑA (2-6)
Os equipos de veteranos do Racing de Ferrol e Deportivo da Coruña disputaron este domingo un partido amigable cun fin benéfico, recadar fondos para a Cociña Económica. A resposta dos afeccionados foi exemplar e no recinto deportivo da Gándara déronse cita varios centos de espectadores que deixaron en taquilla preto de mil euros e uns catrocentos quilos de alimentos, que veñen moi ben para esta modélica institución benéfica ferrolá, sobre todo nestes tempos de crise económica.
O de menos foi o resultado final, 2-6 a prol do Deportivo da Coruña, nun encontro moi entretido no que os afeccionados gozaron do bo xogo que aínda, a pesar dos anos, amosan os Songoo, Donato, Cholo, Manjarín, Fran, por parte do Deportivo da Coruña, que dirixiu o lendario Manolete. Por parte racinguista, con José Ramón Arteche como adestrador, salientar a Manel, Manu, Fran Nogueira ou o ex do As Pontes, Pedro.
Ó final do partido, entrega de trofeos e agasallos, así como retratos con xogadores históricos como Donato, Songoo e, sobre todo, Fran, que foi o máis solicitado polo público, principalmente o infantil.
Nova cortesía de A.F.