Os mellores palistas do Estado deronse cita esta fin de semana en Sevilla na disputa do Campioanto de España de Inverno Senior, Junior e Cadete.
Na proba do sábado, as clasificatorias de 2000 metros Borja acadou un meritorio 5º posto dos 116 participantes con un tempo de 7:55:36. Primeiro foi o campión do Sella en 2008, Javier Hernanz, segundo o actual campeón mundial, bicampión de Eruopa sub23 e tricampión universal junior, o prometedor palentino Diego Cosgaya, e terceiro Emilio Llamedo. O primeiro dos galegos foi Iván Alonso, cuarto.
Xa na final deste domingo, na distancia de 5000 metros, Borja foi o 13º dos 70 participantes cun tempo de 21:04:48. O vencedor foi o asturiano Emilio LLamedo, segundo Javier Hernanz e terceiro o tricampión mundial de maratón Emilio Merchan. Outra vez o mellor galego foi Iván Alonso, cuarto.
Borja seguirá competindo a fin de semana que ven, no que disputará a final de 2000 e realizará probas co K4.
O outro palista do Grupo Xuvenil que competiu esta fin de semana en Sevilla foi o canoísta xuvenil Ricardo Daniel Estevez López que foi 41º en 2000 metros e 39º en 5000 metros.
Por equipos venceu o Kayak Tudense por diante de Aranjuez e Catoira. O equipo de Borja, Club Elemental Piragua de Madrid logrou un máis que meritorio 9º posto con 857 puntos e o Grupo Xuvenil Endesa foi 81º con 62 puntos.
Nova cortesía de Xose Ferreiro.