O primeiro encontro dunha tarde noite moi moi fría, enfrontou á selección comarcal alevín sub12 de fútbol 7 co equipo infantil do Cariño, con un sensacional resultado a prol dos de FerrolTerra que gañaron por 7 goles a 2, tendo en conta que os visitantes eran dous anos maiores. Enrique Fornos fixo un partidazo no cenrpo da zaga, e incluso marcou o terceiro gol, tras saír co balón controlado desde a defensa, regatear a todos os rivais que se lle cruzaron e acabar cruzando o balón ante a saída do porteiro. Foi sustituido a 5 minutos do final.
O segundo partido enfrontou a Ferrol sub15 co equipo xuvenil do Cariño, e venceron os locais por 2 goles a 1, resultado bastante aceptable para a selección comarcal tendo en conta que a maioría dos xogadores do Cariño eran sub19. O pontés Alex Cabarcos xogou de medio centro todo o encontro.
O último encontro da tarde enfrontou ó Cariño Modestos coa selección de Ferrol sub17, con gran vitoria dos de FerrolTerra por 4 goles a 3. Os futbolistas do CD As Pontes Borja Abeás, Chus Cañizares e Kiko González xogaron todo o partido.
Nova cortesía de Xóse Ferreiro