Este sábado 10 celebrarase nas Pontes o campionato galego junior de taekwondo na modalidade de combate, que contará coa participación de máis de cen deportistas de toda Galicia, entre os que se atoparán medallistas estatais e internacionais. A competición está organizada pola Escola Municipal de Taekwondo das Pontes en colaboración co concello das Pontes.
A competición comezará ás dez da mañá (10,00) no pavillón municipal da Fraga con entrada gratuíta para o público. Na xornada da tarde (17,30) haberá un encontro na modalidade de dual meet entre os alumnos da escola municipal e da Escola Luar, co obxectivo de ofrece unha posta en escea ós máis novos para adquirir un nivel suficiente, para así poder participar en eventos de maior nivel.
Nova cortesía de A.F.