O ESTEO FS XA CONTA CON 13 XOGADORES
Esta semana o club realizou unha fichaxe e unha renovación
O equipo pontés de fútbol sala do Esteo FS renovou esta semana ao habilidoso xogador ferrolán Ayala, co que xa suma cinco renovacións, xunto ás de Gerardo, Javichu, Rober Paz e Héctor.
Tamén se soubo esta semana da fichaxe de Martín Otero, procedente do Ventorrillo coruñés, equipo no que anoutou 50 goles nos dous últimos anos. Xogador de gran currículo xa que foi dúas veces Campión de España coas seleccións galegas inferiores.
Esta fichaxe súmase ás do porteiro Jesús Lourido, e os xogadores de pista Pana, Iván Gago, Juan Cruz, Ayrton, Diego Pellón e Dani Martínez.
Bo fondo de armario para o equipo pontés, que as últimas campañas adoecía, nalgúns desprazamentos ou nas derradeiras xornadas, de presentarse case que cos efectivos xustos e con escaso banquiño, e semella que este ano non será por falta de xogadores.
Nova cortesía de Xose Ferreiro