As seleccións de Ferrol participaron onte na segunda xornada do Trofeo Caixa Galicia nos partidos xogados pola tarde nos campos da Gándara.
A selección xuvenil sub17 conseguiu a única victoria, por 3-2 ante a selección de Santiago, con protagonismo pontés, pois tanto o medio centro Juan Prieto, o extremo esquerdo Alex Cabarcos e o dianteiro de Cerdido Javi Álvarez xogaron desde o inicio. De feito Javi amosou o seu instinto goleador anotando o segundo e o terceiro gol. Pablo Ramos anotou o primeiro. Trala derrota a primeira xornada contra Pontevedra (3-2), os de FerrolTerra suman os seus tres primeiros puntos.
A selección cadete sub15 pola súa banda perdeu 0-1 coa selección santiaguesa á que lle bastou un solitario gol no primeiro minuto pra levarse os tres puntos a pesar das ocasións do cadro local no transcurso do partido. Os ferroláns gañaron no primeiro encontro 1-2 a Pontevedra polo que suman unha vitoria e unha derrota. O habitrual convocado pontés nesta categoría, o dianteiro David Rey non foi convocado por mor dunha leve lesión da que xa se está recuperando.
Pola súa banda a selección alevín sub12 de fútbol 7 perdeu contra a súa homóloga de Santiago por un claro 1-4, de feito os santiagueses chegaron a poñerse 0-4 na primeira metade. Miguel Piñeiro anotou o tanto da honra. O dianteiro do As Pontes alevín Josiño xogou 10 minutos. Tralo empate a 2-2 en Pontevedra a selección departamental suma un punto na clasificación.
As tres seleccións volverán a xogar o ano que vén, 12 de Xaneiro, nos partidos correspondentes á terceira xornada a disputarse en Lugo.
Nova cortesía de Xose Ferreiro e A.F.