Consegue en tempo real avisos de novos artigos no teu dispositivo, subscribete agora.
Despois de disputada a décimo oitava xornada, todo segue igual na competición de liga de fútbol de veteranos de As Pontes, co Mobles Eume con paso firme para acadar o título de liga, seguido de Farmavida, cun punto menos pero un partido máis. O líder goleou a MMYPEM, mentres que os farmacéticos tiveron que traballar moito para impoñerse merecidamente a Cafetería Bahía. Vitorias de Santaballés, A Cepa e Galaxia sobre C. Guerreiro, As Pontes 74 e Maren, respectivamente.
Segue de líder Mobles Eume, con 42 puntos. A continuación está Farmavida, con 41 puntos e un partido máis. Terceiro é Santaballés con 36 puntos. A continuación están Construcións Guerreiro (26), As Pontes 74 e La Galaxia (25), Cafetería Bahía (22), A Cepa (16), Xuntanza (9), MMYPEM (6) e pecha a clasificación Maren, con catro puntos.
Na clasificación de goleadores, segue primeiro Juancar (C. Guerreiro), con 17 goles. En segunda posición está Iván (Santaballés), con 15 goles, seguido de Michel (C. Guerreiro), con 14 tantos marcados. Con nove, Fernández (A Cepa), Manel (Mobles Eume) e Sito e Óscar (La Galaxia).
En canto ós porteiros menos goleados, continúa de primeiro Marcelino (M. Eume), seguido de Santi (Santaballés), Luis (Farmavida), Enrique (C. Guerreiro), Peruzzi (C. Bahía) e Miguel (As Pontes 74).
3/4 Marzo – 2012
Farmavida C. Bahía (2-1)
M. Eume – MMYPEM (5-0)
Santaballés C. Guerreiro (3-1)
A Cepa As Pontes 74 (3-1)
La Galaxia – Maren (3-2)
Descansou: Xuntanza
PARTIDOS 19ª XORNADA
10/11 Marzo – 2012
Maren A Cepa (Sáb. 10, 19:00)
MMYPEM – Xuntanza (Sáb. 10, 20:00)
C. Guerreiro – Farmavida (Dom. 11, 10:00)
C. Bahía La Galaxia (Dom. 11, 11:00)
As Pontes 74 M. Eume (Dom. 11, 12:00)
Descansa: Santaballés
Nova cortesía de A.F.