ISMAEL VEIGA FINALIZA SEGUNDO NA PROBA DE SUPERCROS DE MEIS

Gran actuación do piloto pontés Ismael Veiga Balseiro do Maceira Sport que esta fin de semana desprazouse á localidade pontevedresa de Meis pra debutar no Campionato Galego de SuperCros, especialidade na que foi sete veces campión galego anque este ano estrease na categoría senior, cos grandes.

Moi ben comezaba Ismael que rematou en terceira posición a tanda de adestramentos libres e en segunda a de adestramentos cronometrados.
Xa dentro da competición oficial, na primeira manga, Ismael remataba terceiro por detrás de Oscar Barciela e Juan Fernández.
Sensacional Ismael que gañou a segunda manga con dez segundos de ventaxa sobre Oscar Barciela e doce e medio sobre David Lorente.
Na clasificación xeral final primeiro con 45 puntos o junior Oscar Barciela, gran debut pra el, Ismael segundo con 41, e con 27 David Lorente.
Triunfadores Pablo Soto en Alevín, Joel Antón en Promesas, Óscar Barcia en Veterans e Hugo Arévalo en Promoción.
A seguinte proba do Galego de SuperCros disputarase o 14 de Maio en Ribeira.
Nova cortesía de Xosé Ferreiro