Bases do concurso As Boliqueiras
A Mesa pola Normalización Lingüística das Pontes convoca o IV concurso As Boliqueiras.
Poderán concorrer a este certame todas as persoas que así o desexen sempre que presenten os seus traballos en galego. Estes deberán ser orixinais e inéditos, podendo ser publicados se así o considera o xurado.
O tema desta edición é CASTELAO: 125 ANOS DO SEU NACEMENTO (totalmente aberto a todo tipo de traballo).
Máximo de 10 folios, podendo presentarse traballos en equipo.
PREMIOS
ESCOLAS INFANTÍS
De 0 a 3 anos: un premio de 50 .
De 3 a 6 anos:1º premio de 30 , 2º premio de 20 e 3º premio de 20 .
PRIMARIA
1º CICLO: 1º premio de 40 , 2º premio de 30 , 3º premio de 20 e 4º premio de 20 .
2º CICLO: 1º premio de 40 , 2º premio de 30 , 3º premio de 20 e 4º premio de 20 .
3º CICLO: 1º premio de 40 , 2º premio de 30 , 3º premio de 20 e 4º premio de 20 .
SECUNDARIA
1º CICLO: 1º premio de 50 , 2º premio de 40 , 3º premio de 30 .
2º CICLO: 1º premio de 50 , 2º premio de 40 , 3º premio de 30 .
Haberá tamén un único premio especial ENDESA para un relato curto sobre calquera tema relacionado con Castelao. Este relato deberá presentarse en 10 folios como máximo, en letra Arial 12, e poderá concorrer toda aquela persoa que o desexe. O importe deste único premio será de 500 .
Presentación dos traballos
Co orixinal entregaranse dúas copias de idéntico formato en sobre pechado, debendo constar por fóra do sobre: IV Certame As Boliqueiras e a categoría (escola infantil, ciclo ou premio especial) e seudónimo.
Dentro do sobre grande deberá ir un sobre pequeno co mesmo seudónimo de fóra, contendo no seu interior os seguintes datos: nome/s do/s participante/s, enderezo e un número de teléfono de contacto.
Os traballos entregaranse na biblioteca municipal, Avda. De Castelao s/n, rematando o prazo de entrega o día 8 de abril de 2011.
O xurado estará composto por un representante de cada colexio (membro dos EDNL), un por escola infantil, un/unha representante do Concello e un/unha representante da MESA. Correspóndelle ao xurado a interpretación destas bases, o seu fallo será inapelable e os premios poderán quedar desertos. A decisión do xurado farase pública o venres 6 de maio no transcurso dun acto que se celebrará no Cine Alovi ás 19.00 horas.
A participación nesta convocatoria supón a total aceptación das presentes bases.
FEBREIRO 2011